Новата малопродажна цена на еуросупер БС-95 е 75,5 денари за литар, еуросупер БС-98 ќе се продава за 77,5 денари, а еуродизел БС (Д-Е-V) за 72,5 денари за литар
Од ноќеска на полноќ поскапуваат бензините за еден денар по литар, а цената на дизелот се зголемува за половина денар. Ова е денешната одлука на Регулаторната комисија за енергетика, водни услуги и услуги за управување со комунален отпад (РКР), со која се врши зголемување на малопродажните цени на нафтените деривати во просек за 0,23 отсто.
Новата малопродажна цена на еуросупер БС-95 е 75,5 денари за литар, еуросупер БС-98 ќе се продава за 77,5 денари, а еуродизел БС (Д-Е-V) за 72,5 денари за литар.
Цената на екстралесното масло за горење не се менува и останува 69 денари за литар.
За 0,806 денари за килограм се намалува малопродажната цена на мазутот и ќе изнесува 35,621 денари.
Од Комисијата велат дека референтните цени на нафтените деривати на светскиот пазар во споредба со претходната пресметка бележат зголемување кај бензините во просек за 3,628 отсто и кај дизелот за 1,766 отсто, додека кај екстралесното масло има намалување за 0,022, а кај мазутот за 2,563 отсто.