„Во однос на писмото и како тие реагираат, мислам дека писмото е повеќе насочено кон самите нив, а не кон ВМРО-ДПМНЕ, бидејќи со ваква реакција и со вакво писмо тие укажуваат дека кај нив се случува сериозна паника за она што треба да го спроведат“, изјави Сајкоски во вечерашното гостување во централниот Дневник на ТВ Сител
Претходно, одговарајќи на прашање дали во партијата се размислува дали и како треба да се одговори на реакцијата на судиите, а тоа да не се сфати како мешање во незвисната судска власт, генсекот на ВМРО-ДПМНЕ кажа дека проблемот не е во недостатокот на регулатива, туку во недостатокот на волја кај судиите и обвинителите за постапување
Острата писмена реакција што двете највисоки судски инстанци во државата и Здружението на судиите во петокот го упатија до лидерот на ВМРО-ДПМНЕ и премиер, Христијан Мицкоски, според генералниот секретар на владејачката партија Ѓорѓија Сајкоски, повеќе е насочено кон нив самите, отколку кон ВМРО-ДПМНЕ.
Образложувајќи го овој свој став, Сајкоски во вечерашното гостување во централниот Дневник на ТВ Сител рече дека ваквата реакција укажува оти судиите се во сериозна паника поради она што треба да го спроведат.
„Во однос на писмото и како тие реагираат, мислам дека писмото е повеќе насочено кон самите нив, а не кон ВМРО-ДПМНЕ, бидејќи со ваква реакција и со вакво писмо тие укажуваат дека кај нив се случува сериозна паника за она што реба да го спроведат“,
изјави тој.
Претходно, одговарајќи на прашање дали во партијата се размислува дали и како треба да се одговори на реакцијата на судиите, а тоа да не се сфати како мешање во незвисната судска власт, генсекот на ВМРО-ДПМНЕ кажа дека проблемот не е во недостатокот на регулатива, туку во недостатокот на волја кај судиите и обвинителите за постапување.
„Ако имаме волја за постапување, тогаш можеме и да се подобриме. Не е секогаш причина регулативата, затоа што ако постапуваме и ако решаваме предмети, ако секојдневно се одлучува по предмети, тогаш ќе течат и работите. Кај нас проблемот е застојот во работата на судскообвинителските власти. Тоа е основниот проблем“,
рече Сајкоски.
Надоврзувајќи се во делот од одговорот за писмената реакција на Судскиот совет, Врховниот суд и Здружението на судиите, генералниот секретар на ВМРО-ДПМНЕ кажа дека она на што тие укажуваат како партија е дека без силна судска власт, не може да има силна влада.
„Ние како ВМРО-ДПМНЕ, како Влада, како политички чинители укажуваме на сите недостатоци и сакаме да се подобриме. Без силна судска власт не може да има силна влада. Затоа укажуваме да се подобрат работите и на таков начин да можеме да имаме заеднички резултати“,
кажа Сајкоски.
Двете највисоки инстанци на судската власт во државата и Здружението на судии во петокот преку писмено соопштение реагираа на критиките што премиерот Христијан Мицкоски еден ден претходно ги упати до судиите велејќи дека нема да прави реформи во правосудниот систем, што, според него, предвидуваат само зголемување на нивните плати.
Во заедничкото соопштение, од Судскиот совет, Врховниот суд и Здружението на судии оценија дека премиерот со неговите коментари за судиите и судството ја преминал границата на добро однесување и преминал во неаргументирани и паушални напади.
„Веќе подолго време Вашите коментари кои ги давате за судиите и судството ја преминаа границата на доброто однесување и преминаа во неаргументирани и паушални напади. Критиката е добронамерна само кога се даваат конкретни забелешки и конкретни предлози за решавање на проблемите. Неаргументирана критика е покажување на намера ништо да не се преземе за подобрување на состојбите, туку севкупната општествена апатија да се префрли како вина на судиите“,
наведоа од Судскиот совет, Врховниот суд и Здружението на судиите во соопштението.
Судските инстанци и претходно реагираа на критиките на Мицкоски за нивната работа, но она што ја издвојува оваа реакција од претходните е што во неа е назначено на кого конкретно се однесува, односно соопштението е во форма на обраќање и почнува со фразата: „Господине премиер“.
Премиерот во периодот пред изборите, говорејќи во контекст на реформите во правосудниот систем, жестоко ги нападна судиите и јавните обвинители, за кои рече дека не ги заслужуваат платите што сега ги земаат, а не, пак, нивно покачување, што, во суштина, според него предвидуваат реформските закони.
Темата повторно се врати во фокусот откако Европската комисија (ЕК) во последниот Извештај за земјава нотираше дека целокупната независност и финансиската автономија на судството е поткопана од мешањето и притисокот од извршната и законодавната власт, односно од Владата и Собранието.
На ова се надоврза и отворањето на собраниската расправа за предлог-буџетот за 2026 година и средствата што треба да се издвојат за судството и обвинителството.
Откако претходно децидно се изјасни дека нема да спроведува реформи во правосудството што значат само зголемување на платите на судиите и обвинителите, премиерот Христијан Мицкоски во петокот соопшти дека се анализираат модели од европски земји што можат да се применат и кај нас за финансиска независност на правосудството. Сепак, како што додаде, тоа ќе значи и поголема отчетност од овие институции и поголема контрола на она што го трошат преку Државниот завод за ревизија и собраниската комисија.
Писмото од Судскиот совет, Врховниот суд и Здружението на судиите премиерот не сакаше да го коментира, велејќи дека остава на граѓаните да кажат дали се задоволни од испораката на правдата во Македонија.