Американскиот државен секретар Мајк Помпео вети истрага за насилството врз новинарите кои известуваат од протестите против расизмот и полициската бруталност во САД.
„Знам дека постои загриженост од некои земји за нивните известувачи дека биле третирани несоодветно. Некои од тие тврдења стасаа и во Стејт департментот. Треба да знаете, и тие држави треба да знаат, дека ќе се справиме на сосема соодветен начин. Ќе дадеме се од себе да ги истражиме тие случаи,
рече Помпео на прес-конференција.
Високиот комесар на ОН за човекови права, Мишел Бачелет, минатата недела извести за „невидена агресија“ против новинарите кои ги покриваат протестите предизвикани од убиството на Афроамериканецот Џорџ Флојд.
Таа рече дека најмалку 200 новинари биле малтретирани или приведени додека известувале од демонстрациите.
Австралискиот министер за надворешни работи Марис Пејн претхнодно изјави дека државата ќе спроведе своја истрага и дека постои „силна загриженост“ за третманот на нивните новинари.