Претседателот на Собранието, Африм Гаши, денеска го оствари своето граѓанско право, гласајќи на локалните избори 2025 година
Во својата изјава за медиумите по гласањето, спикерот Гаши им честита на граѓаните и на сите политички фактори за водењето достојна кампања без инциденти, нагласувајќи дека изборниот процес досега поминал на примерен начин.
„Сметам дека оваа кампања беше еден од најдобрите примери како се практикува демократијата во нашата држава. Досега немавме ваква кампања. Се надевам дека и денешниот ден ќе заврши во иста демократска и мирна атмосфера“,
изјави претседателот Гаши.
Тој, исто така, ги повика надлежните институции да продолжат да бидат на ниво на задачата до завршувањето на изборниот процес, спроведувајќи го на најчесен и најодговорен можен начин.