Новинарката Јилдиз, која известувала за воени прашања, била уапсена откако полицијата извршила рација и претрес во нејзиниот стан и запленила одредени материј
Турската полиција денеска приведе двајца новинари заради испрашување како дел од истрага за наводна политичка и воена шпионажа, јави државната новинска агенција Анадолија.
Полицијата за борба против тероризмот ги приведе и сослуша Исмаил Дукел од ТВ каналот ТЕЛЕ1 и Мујесер Јилдиз од веб-порталот ОдаТВ.
На порталот ОдаТВ се посочува дека новинарката Јилдиз, која известувала за воени прашања, била уапсена откако полицијата извршила рација и претрес во нејзиниот стан и запленила одредени материјали.
Минатиот месец, властите обвинија седум новинари, меѓу кои и двајца уредници на „ОдаТВ“, за кршење на законот за работа на разузнавачки агенции, конкретно за известувањето за смрт на разузнавач, наводно убиен во Либија. На новинарите ќе им се суди овој месец.