Повардарската епархија на МОЦ-ОА денеска ги повика верниците в петок и всабота, од 8 до 14 часот (кога започнува полицискиот час), да дојдат во дворовите на црквите на литургија по повод празникот Духовден.
Токму поради спречување на поголеми собирања, Владата вчера соопшти дека од денеска од 21 часот до понеделник 8 јуни до 5 часот се забранува посета на гробиштата на територија на цела држава освен во случај на погреби.
Повикот од оваа епархија со која раководи митрополитот Агатангел се случува во услови кога поради зголемениот број новозаболени со ковид-19 во повеќе општини во земјата е прогласен карантин од вечерва во 21 до понеделник до 5 часот.