Петок (5 јуни) ќе биде неработен ден за сите граѓани, а покрај полицискиот час се воведува и забрана за посета на гробишта до понеделник, информираше министерот за здравство Венко Филипче на денешната прес-конференција.
„Од четврток 4 јуни од 21 часот до понеделник 8 јуни до 5 часот се забранува посета на гробиштата на територија на цела држава освен во случај на погреби“,
изјави Филипче.
За земјоделците дозволено е движење во рамки на атарот на селата само за работни потреби.
Исклучоци од забрана за движење ќе има само за граѓаните кои и досега имале дозвола за движење од надлежните институции.
Остануваат и дозволите за прошетка на домашни миленици.