Од болницата соопштија дека бебето имало здравствени проблеми од претходно
Деветмесечно бебе вчера наутро е донесено починато на Детското одделение во велешката болница, информираат од Секторот за внатрешни работи (СВР) Велес.
„Вчера наутро во 8:30 часот од Општата болница во Велес е пријавено дека на Детското одделение е донесено починато деветмесечно бебе од селото Сливник, Велешко“,
пишува во полицискиот извештај.
Од болницата соопштија дека бебето од претходно имало здравствени проблеми.
Според портпаролката на СВР Велес, Биљана Ѓаковска, лекар констатирал смрт без траги на насилство.
По наредба на јавен обвинител, како што информираат од полицијата, телото на починатото бебе е дадено на обдукција.