Пожарот, како што информираа од МВР, е изгаснат, а за случајот ќе биде известен надлежен јавен обвинител
Шеесет и едногодишен жител на скопското село Огњанци денеска доцна попладне бил затекнат како предизвикува пожар на старата депонија во селото.
Станува збор за лице со иницијали А.Ф. кое, како што соопштија од Министерството за внатрешни работи (МВР), запалило сува треба и ѓубриште.
„Денеска (11.07.2025) полициски службеници од СВР Скопје во 18.30 часот, кај старата депонија во с.Огњанци го затекнале А. Ф. (61) од с.Огњанци, како предизвикува пожар на сува трева и ѓубриште. Пожарот е изгаснат, а А.Ф. е лишен од слобода во полициска станица“,
се наведува во соопштението од МВР.
За случајот, како што додаваат оттаму, ќе биде известен надлежен јавен обвинител.