Иако двајца сведоци го совладале, осомничениот се дал во бегство, но набрзо потоа е приведен
Основното јавно обвинителство (ОЈО) Битола поведе истражна постапка против 42-годишен битолчанец што на пазар се обидел да лиши од живот едно лице за кривично дело убиство.
„Осомничениот вчера во Новиот пазар во Битола на оштетениот му пришол од зад грб и го нападнал со кујнски нож. Му задал два удари и го пробол во грбот и слабината“,
се вели во соопштението од Обвинителството.
Иако двајца сведоци го совладале, осомничениот се дал во бегство, но набрзо потоа е приведен.
За него се бара притвор бидејќи постојат особени околности дека доколку биде ставен на слобода ќе ја попречува кривичната постапка со влијание врз сведоците, како и дека би можел да го доврши обиденото кривично дело.