Со мерката ќе бидат опфатени 1 352 лица, а сите вклучени во неа ќе биде обезбеден месечен надоместокод 12 илјади денари, со платено осигурување и персонален данок, во траење до три месеци
Над 1 300 невработени лица до 29 години, а кои имаат завршено најмалку средно образование, ќе може да стекнат практични работни вештини и искуство преку мерката за практиканство, која е дел од Оперативниот план за активни мерки за вработување за 2025 година.
Според министерот за економија и труд, Бесар Дурмиши, мерката има за цел директна инвестиција во знаењето, капацитетите и потенцијалот на младите лица до 29 години.
Со мерката ќе бидат опфатени 1 352 лица, а сите вклучени во неа ќе биде обезбеден месечен надоместокод 12 илјади денари, со платено осигурување и персонален данок, во траење до три месеци.
Како новина што се воведува Дурмиши рече дека е виртуелно практикантство – онлајн обука за 40 лица, прилагодена на модерните услови на работа.
Мерката за практикантство, рече министерот, е дел од поширокиот Оперативен план за вработување, за кој Владата издвоила 40 милиони евра наменети за над 10 000 граѓани.
„Преку мерката за субвенционирано вработување, микро, мали и средни претпријатија, социјални бизниси и граѓански организации се повикуваат да отворат нови работни места. Досега се пристигнати 1 133 апликации, за над 1 400 вработувања“,
рече Дурмиши на денешната прес-конференција.
Тој рече дека финансиската поддршка за субвенционирано вработување изнесува 250 илјади денари за вработување младо лице до 29 години, 220 илјади денари за жени, Роми, лица со попреченост, долгорочно невработени и корисници на социјална помош, како и 160 илјади денари за лица над 29 години.
„Досега, преку јавните повици за активни мерки, поднесени се вкупно 6 026 апликации. Меѓу најбараните мерки се до 7 000 евра за започнување бизнис за лица над 29 години, до 10 000 евра за млади до 29 години со иновативна идеја и до 20 000 евра за заеднички бизниси на најмалку две лица“,
За министерот мерката обука кај познат работодавач, која претставува мост помеѓу граѓаните кои бараат работа и компаниите кои имаат потреба од кадар е една од најуспешните форми на подготовка за вработување.