Отстранувањето на внатрешните контроли меѓу двете соседни земји се совпаѓа со 40-годишнината од шенгенскиот систем, кој беше лансиран за да се промовира слободното движење на луѓе и стоки преку европските граници
Граничните контроли меѓу Бугарија и Романија денеска се официјално укинати по шестмесечна транзиција во спроведувањето на Шенгенскиот договор.
Со ова завршува преодниот период на зголемени внатрешни гранични контроли, кој остана во сила шест месеци по нивното пристапување во шенген-зоната по копно на 1 јануари 2025 година.
Привремениот граничен режим беше резултат на договор постигнат со Австрија, која првично се спротивстави на целосниот влез на Бугарија и Романија во Шенген, а како компромис Австрија побара контролите на заедничката граница да бидат продолжени за половина година, дури и откако двете земји добија пристап до шенген-зоната по воздушен и морски пат на почетокот на годината.
Со завршувањето на преодниот период, Бугарија и Романија сега работат под исти услови како и другите членки на шенген-зоната, што го одразува напредокот на двете земји во усогласувањето со европските стандарди за граници и миграција.
Отстранувањето на внатрешните контроли меѓу двете соседни земји се совпаѓа со 40-годишнината од шенгенскиот систем, кој беше лансиран за да се промовира слободното движење на луѓе и стоки преку европските граници.
Додадено е дека граничните аранжмани на јужната граница на Бугарија со Грција остануваат непроменети, што значи дека иако таму не се вршат формални контроли, граничните службеници сè уште го задржуваат правото да вршат проверки кога е потребно.