Стојанче Ангелов е новиот директор на Дирекцијатa за заштита и спасување

Оваа директорска позиција остана празна откако полицијата во рамките на истрагата за пожарот во т.н. кабаре „Пулс“ во Кочани го уапси Џеват Селами од коалицијата ВЛЕН. Селами во моментов е во домашен притвор

Владата го назначи досегашниот директор на Центарот за упрaвување со кризи (ЦУК), Стојанче Ангелов, за нов директор на Дирекцијата за заштита и спасување (ДЗС).

Оваа директорска позиција остана празна откако полицијата во рамките на истрагата за пожарот во т.н. кабаре „Пулс“ во Кочани го уапси Џеват Селами од коалицијата ВЛЕН. Селами во моментов е во домашен притвор.

Во истрагата за пожарот во Кочани досега се осомничени вкупно 52 лица

Од ЦУК за „СДК.мк“ ја потврдиле информацијата дека Ангелов ќе ја преземе директорската функција во Дирекцијата за заштита и спасување.

За директор на ЦУК ќе биде поставен кадар на ВЛЕН.