Погледнете го новото издание на емисијата „360 степени”, емитувано на 12 мај 2025 г. на МРТ 1, во кое гостува Биљал Касами, еден од лидерите на ВЛЕН и градоначалник на Општина Тетово
Биљал Касами, еден од лидерите на ВЛЕН и градоначалник на Општина Тетово, кој гостува во новото издание на емисијата „360 степени“ на МРТ 1, не ја исклучува можноста ВЛЕН да го даде Министерството за здравство на ВМРО-ДПМНЕ, а за возврат да добие друг ресор, како резултат на заминувањето на партијата на Арбен Таравари од власта. Прашан дали владата може политички да опстои ако со напуштањето на Таравари останат да ја поддржуваат само девет од вкупно 30 пратеници Албанци, Касами вели дека кога ќе се отвори вратата за некој да излезе, можноста за повеќемина да влезат е голема. Колку е задоволен од постигнувањата на ВЛЕН во власта, зошто нема реализација на ветувањата од изборите за академија на науките на Албанците, албанска банка, нов устав…, како им ја објаснуваат на своите гласачи блокадата во европските интеграции, може ли бркањето на Таравари да биде пократкиот пат за враќање на ДУИ на власт, се дел од темите на кои разговараме со Биљал Касами.