Израел го блокира влегувањето на храна, гориво и медицински материјали во Газа од 2 март
Директорот на Програмата за вонредни ситуации на Светската здравствена организација (СЗО) денеска изјави дека умовите и телата на децата во Газа се скршени по два месеци блокада на помошта и континуирани напади.
Израел го блокира влегувањето на храна, гориво и медицински материјали во Газа од 2 март.
„Ги скршивме телата и умовите на децата од Газа. Ги изгладнуваме децата од Газа. Ние сме соучесници. Како доктор, бесен сум. Ужасно е“,
изјави заменик-генералниот директор Мајкл Рајан пред новинарите во седиштето на СЗО.
Израел вели дека целта на блокадата на снабдувањето е да се изврши притисок врз Хамас да ги ослободи заложниците, бидејќи договорот за прекин на огнот е во застој.
„Сегашното ниво на неухранетост предизвикува колапс на имунитетот“,
рече Рајан, предупредувајќи дека случаите на пневмонија и менингитис би можеле да се зголемат кај жените и децата.
Израел претходно негираше дека Газа се соочува со глад. Не е познато кога или како ќе се врати помошта.
Израелската војска го обвинува Хамас за пренасочување на помошта. Хамас негира.
Обединетите нации оваа недела предупредија дека акутната неухранетост кај децата во Газа се влошува.