Според агенцијата Јонхап, околу 5 000 пожарникари и повеќе од 140 хеликоптери се во акција за борба против пожарите, кои веќе имаат уништено околу 17 илјади хектари шума
Најмалку 18 лица се загинати, а 19 се повредени во шумски пожари во Јужна Кореја кои го имаат зафатено југоисточниот дел на земјата, покажуваат најновите бројки на Министерството за внатрешни работи и безбедност, пренесува Би-би-си.
Шумските пожари што се поттикнати од ветрот и сувиот период се меѓу најлошите досега во Јужна Кореја уништувајќи повеќе од 200 објекти и принудувајќи 23 илјади луѓе да се евакуираат. Погодени се и неколку културни локалитети, вклучително и 1 300-годишен будистички храм кој е уништен, информираат денеска властите.
1000 year old Temple consumed by wildfire
— Volcaholic 🌋 (@volcaholic1) March 23, 2025
Thousand-year-old Unramsa Temple on Cheondeungsan Mountain South Korea, was completely destroyed by a forest fire yesterday. It quickly spread due to strong winds, burning down both the main building and its outbuildings.
“Before the… pic.twitter.com/X5Bk6aTjUy
Хан Дак-Су, јужнокорејскиот премиер и вршител на должноста претседател, рече дека петдневните пожари предизвикале невидена штета и побара од агенциите кои се справуваат со катастрофата „да преземат целосен национален одговор и соодветно да реагираат“, пишува „Гардијан“ повикувајќи се на новинската агенција Јонхап.
Хан Дак-Су вели дека целиот расположлив персонал и опрема се распоредени, но силните ветрови продолжуваат да ги попречуваат активностите.
„Очајно се надевавме на дожд денес или утре за да помогнеме во гаснењето на пламените јазици. Ова ниво на штета од шумските пожари нема споредба со ништо што сме го доживеале досега“,
додава Хан.
❗️🇰🇷 – At least 16 people have died in wildfires across South Korea as of March 25, 2025.
— 🔥🗞The Informant (@theinformant_x) March 25, 2025
A massive fire that started in Uiseong, North Gyeongsang Province, has been spreading for four days, reaching Andong, Cheongsong, Juwangsan National Park, Yeongyang, and Yeongdeok.
The… pic.twitter.com/2PfbUdhwu6
Според агенцијата Јонхап, околу 5 000 пожарникари и повеќе од 140 хеликоптери се во акција за борба против пожарите, кои веќе имаат уништено околу 17 илјади хектари шума.
Националната агенција за пожари ја подигна состојбата на готовност на највисоко ниво за одговор на пожарот.
Пожарите почнаа во петокот во округот Санчеонг, на околу 250 километри југоисточно од Сеул. Во текот на викендот, четворица пожарникари ги загубилe животите додека се бореле со пожарите.