Хрватска и Косово во изминатите 24 часа не регистрирале новозаболени пациенти од ковид-19.
Хрватските здравствени власти информираа дека во последното деноноќие направени се 940 тестови и сите се негативни.
Вкупниот број на тестирани во Хрватска изнесува 62 422 лица.
Во Хрватска досега се регистрирани 2 244 заразени. Од нив оздравени се 2 035 лица, а 100 лица починале.
Косово за првпат регистрираше деноноќие без ниту еден заразен откако првиот случај беше откриен на 13 март. Во последните 24 часа биле тестирани 138 граѓани.
Вкупниот број на тестирани лица од почетокот на пандемијата таму изнесува 13 262, од кои потврдени се 1 032 позитивни случаи.
Бројот на излекувани изнесува 789, а на починати 29.