Седумдесет и петгодишен пешак загина во сообраќајката што вчеравечер се случи на патот Битола – Прилеп

„Пешакот починал на самото место на несреќата откако бил удрен од товарно моторно возило со скопски регистарски таблички. Наредена е обдукција на починатото лице“, изјави обвинителот Стевчо Биноски, кој изврши увид на несреќата, пренесува МИА

Седумдесет и петгодишен жител на прилепското село Беровци е жртвата во синоќешната сообраќајна несреќа што се случи на регионалниот пат Битола – Прилеп кај местото викано „Беровци“ во близина на бензинската пумпа на „Макпетрол“, информира МИА.

Јавниот обвинител Стевчо Биноски, кој извршил увид на местото на несреќата, во изјава за МИА, посочи дека сообраќајката се случила вчеравечер околу 20 часот.

„Пешакот починал на самото место на несреќата откако бил удрен од товарно моторно возило со скопски регистарски таблички. Наредена е обдукција на починатото лице“, изјави обвинителот.

Увид на сообраќајната несреќа е направен од страна на прилепската полиција.

Сообраќајка на патот Битола – Прилеп, возилата се пренасочуваат по стариот пат

Поради сообраќајката, вчеравечер оваа делница беше затворена, а возилата се пренасочуваа по стариот пат.

Од утрово е нормализиран сообраќајот на овој патен правец.