Франциск (88) ја поминал својата дванаесетта ноќ во римската болница Гемели, што е неговиот најдолг престој во болница за време на неговото папство
Папата Франциск, кој се бори со двојна пневмонија, четврти ден по ред е во критична состојба, но е стабилен, соопшти денеска Ватикан.
Франциск (88) ја поминал својата дванаесетта ноќ во римската болница Гемели, што е неговиот најдолг престој во болница за време на неговото папство.
„Клиничката состојба на Светиот Отец останува критична, но стабилна“, се вели во најновиот медицински извештај.
Функционер на Ватикан, кој не сакаше да биде именуван бидејќи не е овластен да разговара за здравствената состојба на поглаварот на Римокатоличката црква, претходно денеска изјави дека папата јаде нормално, се движи низ својата болничка соба и продолжува со лекувањето.
Ватикан, исто така, откри дека Франциск во понеделникот се сретнал со неговиот најблизок соработник, кардиналот Пјетро Паролин и неговиот заменик.
Единствениот друг познат посетител на Папата беше италијанската премиерра Џорџа Мелони, кој го посети на 19 февруари.