Ослободувањето на заложниците, според информациите од кабинетот на Нетанјаху, треба да биде во 14 часот по Гринич
Од кабинетот на израелскиот премиер Бенјамин Нетанјаху велат дека договорениот прекин на огнот штотуку стапи во сила, пренесува „Гардијан“.
Во објава на социјалната мрежа Икс од кабинетот на израелскиот премиер Бенјамин Нетанјаху велат дека согласно рамката за ослободување на заложниците, прекинот на огнот на првата етапа во Газа ќе стапи во сила во 11:15 часот.
Pursuant to the framework for the release of the hostages, the ceasefire of the first stage in Gaza will take effect at 11:15.
— Prime Minister of Israel (@IsraeliPM) January 19, 2025
Оваа информација доаѓа откако претходно Израел ги доби имињата на заложниците што треба да бидат ослободени на првиот ден од договорот за прекин на огнот.
Ослободувањето на заложниците, според информациите од кабинетот на Нетанјаху, треба да биде во 14 часот по Гринич.
Од кабинетот на израелскиот премиер велат дека веќе почнале да ги известуваат семејствата на заложниците што ќе бидат ослободени денеска.
Според светските медиуми, една од нив е британско-израелската државјанка Емили Дамари, а другите две се Роми Гонен и Дорон Штајнбречер.
Од израелската држава на социјалната мрежа Икс споделија слика од 33-те заложници што ќе бидат ослободени во првата фаза од договорот за прекин на огнот:
„Едвај чекаме да се вратите дома!“,
пишува во описот на сликата.
The following is a list of hostages to be released in the first stage of the deal.
— Government Press Office 🇮🇱 (@GPOIsrael) January 19, 2025
We can’t wait for you to come home! 🎗️ pic.twitter.com/UO3hlyhSS1
Пред да биде доставен списокот со заложници што треба да бидат ослободени, Израел продолжи со нападите на Газа. Образложението беше дека Хамас не ја исполнил својата обврска да ги даде имињата на тројцата заложници што требаше да ги ослободи подоцна во текот на денот во замена за голем број палестински затвореници.
Портпаролот на израелската војска, Даниел Хагари, рече дека Хамас не ги исполнува своите обврски да ја испрати листата на заложници во Израел и оти прекинот на огнот нема да стапи во сила сѐ додека Хамас не го заврши тоа, а дека дотогаш Израел ќе продолжи да напаѓа.
Дел од договорот за прекин на огнот предвидува имињата на заложниците што треба да бидат ослободени, да бидат дадени најмалку 24 часа однапред.
Хамас претходно изјави дека причината за одложувањето е „комплексноста“ во Газа и израелските напади.
Договорот за прекин на огнот доаѓа во три фази. Во првата фаза од договорот за прекин на огнот, 33 заложници треба да бидат ослободени во текот на шест недели во замена за стотици Палестинци затворени од Израел. Останатите ќе бидат пуштени во втората фаза.