Викендов ќе дува силен ветер, а врнежите наместо дожд, ќе преминат во снег
Магливо утро, а преку ден ќе биде сончево со мала облачност, информира Управата за хидрометеоролошки работи (УХМР).
„Минималната температура ќе биде во интервал од -1 до 6 степени, а максималната ќе достигне од 8 до 16 степени Целзиусови“,
прогнозираат синоптичарите.
Утрото во Скопје ќе биде магливо, а преку ден сончево со мала облачност.
„Минималната температура ќе се спушти до 2, а максималната ќе достигне до 11 степени“,
веелат од УХМР.
Од утре попладне, под влијание на циклонска активност ќе почне да врне дожд, а на планините и на повисоките места снег.
Викендов ќе дува силен ветер, а врнежите наместо дожд, ќе преминат во снег. И следната недела се очекуваат нови врнежи, претежно од снег.