Според УХМР, до петок претпладне ќе се задржи стабилното и релативно топло време преку денот, а од петок попладне нè очекува нов влажен бран со врнежи од дожд
По утринската магла по котлините, во текот на денот ќе биде сончево со мала до умерена локална облачност која ќе се зголемува во попладневните часови, најавува УХМР. Ќе дува слаб ветер од северозападен правец.
Минималните температури ќе се движат во интервал од -2 до 4 Целзиусови степени, додека максималните ќе се искачат од 7 до 15 степени.
Во Скопје наутро ќе има услови за појава на магла, а преку денот ќе биде сончево со мала до умерена облачност која ќе се зголемува од попладнето. Температурите ќе се движат од минимални 0 до максимални 10 степени.
Според УХМР, до петок претпладне ќе се задржи стабилното и релативно топло време преку денот, а од петок попладне нè очекува нов влажен бран со врнежи од дожд, а на повисоките места од снег.