„Објавата на незаконски снимено видео од новинарката Мирослава Симоновска ги нарушува нејзината приватност и нејзините основни права, без разлика што објавениот видеоматеријал е со заштитени идентитети. Секој новинар има право слободно да се движи и да комуницира со граѓани без страв од незаконско следење или нарушување на приватноста. Оваа акција, за која веруваме дека е насочена кон застрашување и дискредитација на Мирослава Симоновска поради нејзината критичка работа, особено во однос на истражувањето на високиот јавен обвинител, претставува директен напад врз новинарската независност и претставува закана за сите професионални новинари“, велат од новинарските здруженија
Здружението на новинарите на Македонија (ЗНМ) и Самостојниот синдикат на новинари и медиумски работници (ССНМ) изразуваат сериозна загриженост поради последното прекршување на основните права на новинарката Мирослава Симоновска, поради неовластеното снимање и дистрибуција на видео на кое таа наводно прима документ.
Видеото, кое беше проследено до национална телевизија од страна на шефот на Вишо јавно обвинителство Мустафа Хајрулахи, отвора сериозни прашања за приватноста, незаконското следење и правата на новинарите во Македонија, посочуваат од новинарските здруженија.
„Објавата на незаконски снимено видео од новинарката Мирослава Симоновска ги нарушува нејзината приватност и нејзините основни права, без разлика што објавениот видео материјал е со заштитени идентитети. Секој новинар има право слободно да се движи и да комуницира со граѓани без страв од незаконско следење или нарушување на приватноста. Оваа акција, за која веруваме дека е насочена кон застрашување и дискредитација на Мирослава Симоновска поради нејзината критичка работа, особено во однос на истражувањето на високиот јавен обвинител, претставува директен напад врз новинарската независност и претставува закана за сите професионални новинари“,
велат од ЗНМ и ССНМ.
Со ова, додаваат новинарските здруженија, се создава опасност од автоцензура и се поткопува клучната улога на медиумите во контрола на власта, особено што не е изолиран случај бидејќи до ЗНМ и ССНМ утрово пристигнале и други пријави од новинарки кои сведочат за суптилни притисоци за нивни теми поврзани со работата на Вишото јавно обвинителство.
ЗНМ и ССНМ информираат дека Симоновска утринава поднела кривична пријава до Основното јавно обвинителство Скопје за неовластено снимање од страна на службено лице.
„Бараме од Основното јавно обвинителство итно и без одлагање да спроведе темелна истрага во врска со овој случај и ги повикуваме надлежните институции да ги заштитат правата и безбедноста на новинарите.
се додава во соопштението на ЗНМ и ССНМ.
ЗНМ и ССНМ ќе ги известат меѓународните организации за поддршка на медиумите за ова скандалозно прекршување на правата на новинарите, кое може да има застрашувачки ефект врз слободата на медиумите во Македонија. Ова сериозно ја загрозува слободата на новинарите, заплашувајќи ги не само нив, туку и сите останати граѓани кои можат да се јават како извори кои би посочувале на злоупотреби во државните институции. Исто така, упатуваме порака до медиумите случаите каде има сомнително стекнати материјали да ги третираат со особено внимание и строго да ги почитуваат етичките стандарди“,