Како што јавува РТС, 36-годишен работник се здобил со изгореници на лицето и вратот и повреда на раката, а другиот работник по извршениот преглед бил пуштен на домашно лекување
Во воената фабрика „Слобода“ во Чачак, централна Србија, денеска одекнала експлозија, при што се повредени двајца работници, од кои едниот има изгореници по телото, потврдиле од компанијата, објави Радио-телевизија на Србија (РТС).
Како што јавува РТС, 36-годишен работник се здобил со изгореници на лицето и вратот и повреда на раката, а другиот работник по извршениот преглед бил пуштен на домашно лекување.
Од болницата во Чачак потврдиле дека работникот со изгореници е ставен на интензивна нега, а од компанијата „Слобода“ соопштија дека тој е во стабилна состојба.
„Утринава во осум часот дошло до технолошка експлозија на линијата на лабораторијата за артилериски гранати во која се повредени двајца работници на кои веднаш им била укажана лекарска помош“,
соопштија од компанијата „Слобода“.
Пред три години во истата фабрика се случија две експлозии во период од две недели, кога беа повредени неколку работници, потсетува Би-би-си на српски јазик.