Она што јас како забелешка сум го нашол е тоа што дел од раководствата, не сите, се однесувале во духот на Луј 14, односно тие како директори се заживувале дека се сопственици, дека тоа се нивни приватни затвори и така ги третирале затворениците, изјави в.д. директорот на Управата за извршување санкции, Александар Пандов
Во Македонија има огромна разлика од еден до друг затвор – има затвори кои буквално се европски, коишто изгледаат супер, нормално и коишто функционираат супер, нормално, но постојат и такви кои се од латино-американски тип, во кои само исклучително ментална силна личност би можела да издржи, рече в.д. директорот на Управата за извршување санкции, Александар Пандов.
Тој вели дека одредени затвори во земјава функционирале како „приватни“ и дека имало осуденици кои ги воделе затворите додека престојвале во нив.
„А за жал браќава од 27 април, некои од нив и по две години ги држеа во притворот во Шутка. Она што јас како забелешка сум го нашол не во сите, но, во дел од раководствата во затворите се однесувале во духот на Луј 14. Тие како директори се заживувале дека се сопственици, дека се тоа приватни нивни затвори и така ги третирале затворениците“,
рече Пандов.
Пандов рече дека се прават напори за следната година да започне да се градат амбуланта и притвор во најголемиот затвор во земјава – „Идризово“ и оти се надева дека до крајот на неговиот мандат токму овој затвор кој има капацитет колку сите други во земјава заедно да биде модерен.
„Она најважно што е затоа што во затворскиот систем во Македонија постои затвор „Идризово“, каде што има 1 200 затвореници, а сите останати 11 затвори имаат 1 200 затвореници. За жал, во време на владеење на ВМРО-ДПМНЕ, во минатото до 2016, 2017 година половина е направено, односно отвореното и полуотвореното одделение, таму се изградени и тие се налик, супер европски затвори“,
кажа тој.
Тој рече и дека околу 130 осуденици се водат како бегалци, но не сториле класично бегство, туку добиле викенд отсуство кое им следува законски, за потоа да не се вратат за да ја продолжат затворската казна. Во однос на продолжениот прекин во издржување на казната на дел од осудените за 27 април, рече дека како директор единствено нешто што може да направи е да даде прекин од 30 дена доколку осуденикот донесе медицинска докуументација во која е прикажано дека има некакво акутно заболвање и дека треба веднаш да се лекува.
„Меѓутоа не мал дел од нив, еве конкретниот пример, поранешниот министер за внатрешни работи, Митко Чавков, јас какошто сум информиран има добиено сега прекин од три месеца. Меѓутоа, тоа е од судот, кога имаат документација, ако им следуваат прекини веројатно судовите ќе доделуваат и доделуваат во моментов“,
заклучи Пандов.