Како што соопшти косовското МНР, станува збор за Блерим Рамадани, поранешен припадник на оперативната зона Неродиме на ОВК. Оттаму информираат и дека со случајот е запознаен и амбасадорот на Косово во РС Македонија, која се залага за брзо ослободување на уапсениот Рамадани
Уапсен е косовски државјанин, поранешен припадник на Ослободителната војска на Косово (ОВК) од страна на полицијата на Република Северна Македонија врз основа на потерница издадена од Република Србија, информира косовското министерство за надворешни работи, а пренесуваат тамошните медиуми.
Како што соопшти косовското МНР, станува збор за Блерим Рамадани, поранешен припадник на оперативната зона Неродиме на ОВК. Оттаму информираат и дека со случајот е запознаен и амбасадорот на Косово во РС Македонија, која се залага за брзо ослободување на уапсениот Рамадани.
„Нашиот амбасадот во Северна Македонија, Флориан Ќехаја, интензивно се залага за решавање на овој случај. Како Министерство за надворешни работи работиме со македонските власти за брзо ослободување на Рамадани“,
се вели во соопштението од косовското МНР.
Оттаму велат и дека ќе ја информираат јаавноста за натамошниот развој на настаните во врска со овој случај.
За апсењето на Рамадани реагира и Организацијата на воени ветерани на ОВК на Урошевац, која на Фејсбук изрази загриженост и огорченост за апсењето на нивнот соборец.
„Измислените обвиненија и апсења на колегите ветерани и денес по 25 години се неправедни и загрижувачки. Апелираме до државата Македонија веднаш да го ослободи Блерим Рамадан, бараме Владата на Република Косово, Министерството за надворешни работи и правда да ги употреби сите дипломатски и правни средства за негово ослободување“,
пишуваат на Фејсбук воените ветерани на ОВК.
На поранешниот косовски претседател Хашим Тачи и на уште неколкумина поранешни водачи на Ослободителната војска на Косово (ОВК) во Хаг им се суди за претпоставени злосторства врз цивили во периодот од почетокот на војната во Косово во 1998 до крајот на 2000 година.
Обвинети се за повеќе дела, како неправедно лишување од слобода, мачење и убивање луѓе, а за овие злосторства им се заканува доживотен затвор.
