На средбата, покрај премиерот Христијан Мицкоски, од владиниот кабинет биле присутни и министерот за транспорт Александар Николоски, министерот за животна средина и просторно планирање Изет Меџити и министерката за енергетика, рударство и минерални суровини Сања Божиновска, а покрај претставниците од „Алказар енерџи“, како што стои во објавата на Мицкоски, присутен е и Даниел Калдерон, соосновач и управувачки партнер на „Алказар енерџи“
Во официјалното соопштение на „Алказар енерџи“, кое е објавено веднаш по претставување на инвестицијата, се вели дека парите за ветерниот парк инвеститорот треба да ги обезбеди до последниот квартал на 2025 година, а изградбата треба да започне на почетокот на 2026 година. Се проценува дека проектот треба да донесе повеќе од 630 нови работни места во текот на неговата изградба
Од македонскиот ветер, инвестиција во енергетиката за повеќе пари во македонскиот буџет. Вака денеска на својот фејсбук-профил премиерот Христијан Мицкоски го опиша проектот за ветерниот парк на „Алказар енерџи“ со чии претставници имаше средба во Владата.
Предвидено е ветерниот парк да се гради на тромеѓето меѓу општините Штип, Карбинци и Радовиш, вреден 450 милиони евра.
„Од овие ветерници ќе има струја за 100 000 македонски домаќинства. 55 ветерници ќе произведуваат еден терават-час електрична енергија или еден милион мегават-часа. Приближно 20 отсто од целокупното производство на електрична енергија во земјава. Нови 630 вработувања. Инвестиции за подобар животен стандард“,
напиша Мицкоски на Фејсбук.
На средбата, покрај премиерот Христијан Мицкоски, од владиниот кабинет биле присутни и министерот за транспорт Александар Николоски, министерот за животна средина и просторно планирање Изет Меџити и министерката за енергетика, рударство и минерални суровини Сања Божиновска, а покрај претставниците од „Алказар енерџи“, како што стои во објавата на Мицкоски, присутен е и Даниел Калдерон, соосновач и управувачки партнер на „Алказар енерџи“.
„Алказар енерџи“, според информациите објавена од самата организација, има седиште во Луксембург, со советодавен тим во Дубаи. Фондот, на чие чело е соосновачот Даниел Калдерон, се фокусира на проекти поврзани со обновлива енергија на пазари во развој во Европа и во Турција.
Во официјалното соопштение на „Алказар енерџи“, кое е објавено веднаш по претставување на инвестицијата, се вели дека парите за ветерниот парк инвеститорот треба да ги обезбеди до последниот квартал на 2025 година, а изградбата треба да започне на почетокот на 2026 година. Се проценува дека проектот треба да донесе повеќе од 630 нови работни места во текот на неговата изградба.