Податоците од синдикалната потрошувачка кошница што ги објавува Сојузот на синдикати на Македонија покажале дека за април на едно семејство во Македонија му биле потребни 33 243 денари за минимални трошоци.
Најмногу пари или 14 093 денари биле потребни за да се подмират основните потреби за храна и пијалаци, а 10 436 денари за плаќање на месечните сметки за комунални услуги и за одржувањето на домот.
Минималните трошоци за превоз во април изнесувале 2 447 денари, за хигиена 2 343 денари, а за облека и обувки минимум биле потребни 2 144 денари.
Најмалку пари од вкупната потрошувачка кошница отпаѓаат на трошоците за грижа за здравјето и за културните активности.