Во објавата на Икс, американската амбасадорка вели дека САД со нетрпение очекуваат да го продолжат партнерството и да соработуваат со земјава во нејзиното придвижување по евроатлантскиот пат. Соработка во поглед на евроинтеграциите најави и Дејвид Гир
Американската амбасадорка Анџела Агелер и евроамбасадорот Дејвид Гир во објава на социјалните мрежи го честитаа формирањето на новата влада во земјава, чиј мандат од денеска и официјално почнува да тече.
Во објавата на Икс, американската амбасадорка вели дека САД со нетрпение очекуваат да го продолжат партнерството и да соработуваат со земјава во нејзиното придвижување по евроатлантскиот пат.
„Честитки за формирањето на новата влада. Додека премиерот и неговиот кабинет ја преземаат функцијата, со нетрпение очекуваме да го продолжиме нашето партнерство во зајакнувањето на владеењето на правото, подобрувањето на економскиот, енергетскиот и инфраструктурниот развој, социјалните структури и придвижувањето на земјата на нејзиниот евроатлантски пат“,
пишува Агелер во објавата на Икс.
Congratulations to the new government on its formation. As the Prime Minister and his cabinet take office, we look forward to continuing our partnership in strengthening rule of law, improving economic, energy, and infrastructure development, social structures, and moving the…
— Ambassador Angela Aggeler (@USAmbNMacedonia) June 24, 2024
Честитки за формирањето на новата влада до новоизбраниот премиер Христијан Мицкоски и министрите синоќа испрати и евроамбасадорот во земјава Дејвид Гир.
„Европската Унија тесно ќе соработува со вас во постигнувањето напредок на суштинските реформи и унапредувањето на патот на Северна Македонија кон ЕУ“,
пишува во честитката на Гир.
Many congratulations to Prime Minister Mickoski and the new ministers following the formation of a coalition government today. The EU will work closely with you in making progress on essential reforms and advancing on North Macedonia’s EU path. pic.twitter.com/Gwgmr6NRQP
— EU Ambassador David Geer (@AmbassadorEU) June 23, 2024