Изјавата на Димитриевски, кој заедно со членови и симпатизери на Движњето ЗНАМ во Меморијалниот центар на АСНОМ во Пелинце го одбележа 1 Мај – Денот на трудот, беше негов одговор и порака до неговата поранешна партија СДСМ, од каде што ги одбија барањата што тој ги испорача вчера како услов за можно коалицирање
Тие коишто дозволија да се отвораат клубови на странски држави во текот на нивниот мандат и ја згазија не само социјалдемократијата туку и линдеската и асномската идеја во целост во државата, нѐ обвинија дека сме човек-партија. Нивната ароганција е ненадминлива. Со тоа навредија покрај мене, уште 84 000 и повеќе граѓани на оваа држава.
Ова денеска во изјава за медиумите го кажа лидерот на Движењето ЗНАМ – За наша Македонија, кој беше кандидат за претседател на државата, но не го мина првиот круг од трката за шеф на државата.
Изјавата на Димитриевски, кој заедно со членови и симпатизери на Движњето ЗНАМ во Меморијалниот центар на АСНОМ во Пелинце го одбележа 1 Мај – Денот на трудот, беше негов одговор и порака до неговата поранешна партија СДСМ, од каде што ги одбија барањата што тој ги испорача вчера како услов за можно коалицирање.
Димитриевски во изјавата одговори и на вчерашната порака на лидерот на СДСМ, Димитар Ковачевски, кој во врска со условувањата на лидерот на ЗНАМ од митингот во скопската општина Аеродром рече дека раководството на СДСМ го бираат членовите на СДСМ кои се наследници и на НОБ, АСНОМ и на Киро Глигоров, а не вазали кои се предале и отишле да шуруваат со наследниците на Ванчо Михајлов.
„Сакам да испратам порака до тие коишто обвинуваа за соработка со ванчомихајловисти, итстите тие коишто дозволија да се отвораат клубови на странски држави во текот на нивниот мандат и ја згазија само социјалдемократијата туку и илиндеската и асномската идеја во целост во државата нѐ обвинија дека сме човек-партија. Нивната ароганција е ненадминлива. Со тоа навредија покрај мене, уште 84 000 и повеќе граѓани на оваа држава. Но, како и да е, ние позитивно продолжуваме понатаму и чест ми е што денеска токму овде традиционално во Меморијалниот центар ‘Пелинце’, каде што се удрени темелите на современата македонска држава, на АСНОМ, гледам голем број на мои поранешни соборци, сопартијци, социјалдемократи коишто се придружија на овој настан којшто го организира Движењето ЗНАМ – За наша Македонија“,
рече Димитриевски.
Лидерот на Движењето ЗНАМ имаше и обраќање пред членството и симпатизерите на партијата, пред кои рече дека не е изненаден од ароганцијата на тие што ја погазиле социјалдемократската мисла и идеја.
„За жал нивната ароганција како и секогаш е многу поголема од сите тие коишто навидум ги предводат. И да им кажам, не сум изненаден. Таа порака ја испратив по барање токму на тие луѓе од таму затоа што сметаат дека илинденските и асномските вредности треба да се сочуваат, треба да се негуваат, треба да се обединуваат“,
рече Димитриевски во неговото обраќање.
Лидерот на Движењето ЗНАМ, Максим Димитриевски, вчера на двете најголеми партии од македонскиот политички блок, ВМРО-ДПМНЕ и СДСМ, им постави услови за можно коалицирање без чие исполнување, како што рече, нема да има почеток на разговорите за евентуална соработка со едните или со другите.
Димитриевски побара во наредните 24 часа раководството на СДСМ да поднесе комплетни неотповикливи оставки од сите можни функции во партијата. Втор услов кој го упати е носителите и коносителите на кандидатските листи на нотар да изјават дека нема да прифатат пратенички мандати, а нив ќе ги преземат кандидатите кои следуваат на листите по нив. Димитриевски побара и да се обврзат дека ниту тајно ниту јавно нема да продолжат да заговараат соработка со сегашната ДУИ, за навистина, а не само формално, туку и суштински, да покажат дека ја примиле вистински пораката од граѓаните и постапиле веднаш.
Лидерот на СДСМ вчера од митингот во Аеродром порача оти не прифаќаат условувања и со никого нема да прави политички договори.
„СДСМ е едиствената партија наследник на Сојузот на комунисти на Македонија, на Народноослободителната борба, наследник на независната Македонија и Киро Глигоров. За разлика од субјектите како ЗНАМ, кои се човек-партија, СДСМ е државничка партија со длабоки и силни корени. Нас нè водат социјалдеморкатските вредности. Борбата за граѓаните и европската иднина на Македонија и не се откажуваме од тоа“,
рече Ковачевски.
На условите на Димитриевски партијата одоговори и денеска преку писмено соопштение во кое од СДСМ наведоа дека не прифаќаат уцени од кого било и оти нема тргување со иднината на државата.
Димитриевски до ВМРО-ДПМНЕ вчера упати порака со која побара партијата да потврди дека се согласува со нивните програмски определби дека не прифаќаат уставни измени под бугарски диктат и не прифаќаат соработка со ДУИ.
Условот што го постави до ВМРО-ДПМНЕ е да потврдат и дека не е точно оти дел од раководството на партијата заговара јавна или тајна соработка со поранешниот премиер Зоран Заев преку неговите фикс кандидати за пратеници, како што е Венко Филипче и други за обезбедување на двотретинско мнозинство во новиот собраниски услов.
Од ВМРО-ДПМНЕ во нивниот одгвор до Димитриевски велат дека немаат разговори ниту со Заев ниту со Ковачевски.
„Од ЗНАМ се на потег да повикаат на гласање за претседателскиот кандидат Гордана Силјановска-Давкова“,
велат од ВМРО-ДПМНЕ.
Оттаму додаваат дека не сакаат да веруваат дека постои „тројански коњ“ и продолжена рака на власта во опозицијата.