Лидерот на Северна Кореја, Ким Џонг-ун се појави на 1 Мај отворајќи фабрика, информираа државните медиуми на земјата, пренесе Си-ен-ен.
Според корејската новинска агенција КЦНА, Ким одржал говор на настан одбележувајќи го Денот на трудот, но отворил и фабрика за ѓубрива.
Од отворањето на фабриката е споделена и фотографија на која се гледа како Ким сече црвена лента, а зад него стои неговата сестра Ким Јо-Џонг. Си-ен-ен пишува дека не успеале да ја потврдат автентичноста на фотографијата, а не успеале да потврдат ниту кога е фотографирана.
Ким Џонг-ун последен пат беше забележан во јавноста на 11 април. Тоа предизвика лавина на шпекулации дека тој има нарушено здравје или дека е мртов.
Американскиот претседател, Доналд Трамп, одбри да коментира за најновата вест дека Ким е жив и дека добар.
„Не би коментирал ништо сè уште. Ќе имаме што да кажеме во соодветно време“, рече Трам одговарајќи на новинарски прашања.