Според италијанските власти, запленетата дрога, прошверцувана од Албанија, на пазарот би достигнала вредност од околу 10 милиони евра
Во близина на италијанскиот пристаништен град Бари, запленети се околу 900 килограми марихуана и хашиш, прошверцувани од Албанија, пренесува Ора њуз повикувајќи се на италијанските власти.
Под наслов „Карантинот не го спречува шверцот на дрога“ телевизијата додава дека се запленети 646 килограми марихуана и 250 килограми хашиш.
Во акцијата спроведена ноќта меѓу понеделникот и вторникот уапсени се и двајца италијански државјани.
Запленетата дрога била натоварена во два моторни чамци кои биле запрени на брегот кај Менопол. Била пакувана во пакети со тежина од 2,5 до 10 килограми, со поставени симболи во различна боја зависно од видот на дрогата, местото на производство и подрачјето во Италија каде што требало за заврши.
Според италијанските власти, запленетата дрога на пазарот би достигнала вредност од околу 10 милиони евра.
Дел од медиумите наведуваат дека од неодамна реактивирана е и недозволената трговија со луѓе од албанскиот кон италијанскиот брег.
Деновиве пресретнат е чамец во кој илегално се превезувале 33 имигранти, главно од земјите на Средниот Исток