Американската академија за филмски науки, која е организатор на доделувањето на наградите „Оскар“, денеска најави дека, поради престанокот на работа на кината при пандемијата од ковид-19, само филмовите што се прикажуваат на стрим-платформите ќе бидат во конкуренција за „Оскарот“ следната година.
Досега филмовите можеа да конкурираат за „Оскарите“ под услов – најмалку седум дена прикажување во кино во Лос Анџелес или ширум САД. Но, поради пандемијата на новиот коронавирус, кината не работат, а сите премиерите се откажани.
Најголемите американски дистрибутери АМЦ, „Регал“ и „Синемарк“ соопштија дека не очекуваат повторно отворање на киносалите пред крајот на јуни или почетокот на јули.
Следното доделување на „Оскарите“ е најавено за 28 февруари следната година.