fbpx
Македонија

Земјотрес со јачина од 3,6 степени во Албанија, почувствуван во Охрид и во Кичево

360степени | 8 февруари, 2024 09:26

Земјотресот е почувствуван во југозападниот дел од земјата, и тоа во Охрид и во Кичево, со интензитет од три степени според Европската макросеизмичка скала

Земјотрес со јачина од 3,6 степени според Рихтеровата скала утрово е регистриран во Албанија во 06:32 часот по локално време, информираат од Сеизмолошката опсерваторија при Природно-математичкиот факултет во Скопје.

Според информациите од Сеизмолошката опсерваторија, епицентарот на земјотресот бил на 130 километри југозападно од Скопје, во соседна Република Албанија.

Земјотресот бил на длабочина од 15 километри.

Во соопштението од Сеизмолошката опсерваторија при Природно-математичкиот факултет се наведува дека земјотресот е почувствуван во југозападниот дел од земјата, и тоа во Охрид и во Кичево, со интензитет од три степени според Европската макросеизмичка скала.

Земјотресот во Албанија е регистриран и од Европскиот медитерански сеизмолошки институт (EMSC).

Според информациите од Европскиот медитерански сеизмолошки институт, епицентарот на земјотресот бил на 19 километри североисточно од Елбасан.

Нема информации за повредени лица или за причинета материјална штета.

©2026 360 степени, Сите права се задржани