Во 1948 година, „накба“, позната и како „палестинска катастрофа“, се случи кога израелските трупи го окупираа Западниот Брег и Појасот Газа, проследено со прогон и раселување на Палестинците низ Блискиот Исток
Агенцијата на Обединетите нации за помош и работа за палестинските бегалци (УНРВА) денеска соопшти дека војната меѓу Израел и Хамас, која започна на 7 октомври, доведе до најголемото раселување на палестинскиот народ од 1948 година.
100 days in 100 seconds.
— UNRWA (@UNRWA) January 15, 2024
This has been the largest displacement of the Palestinian people since 1948.
An entire generation of children is traumatized, thousands have been killed, maimed, and orphaned.
People live through the unliveable. pic.twitter.com/qmqvwPQKL6
„Ова е најголемото раселување на палестинскиот народ од 1948 година. Цела генерација деца е трауматизирана, илјадници се убиени, осакатени и останаа сираци“,
се вели во објавата на УНРВА на социјалната мрежа Икс.
Во 1948 година, „накба“, позната и како „палестинска катастрофа“, се случи кога израелските трупи го окупираа Западниот Брег и Појасот Газа, проследено со прогон и раселување на Палестинците низ Блискиот Исток.
Израел почна воздушни и копнени напади врз Појасот Газа на 7 октомври минатата година по прекуграничен напад на Хамас, во кој според официјален Тел Авив загинале околу 1 200 луѓе. Оттогаш се убиени најмалку 24 100 Палестинци, главно жени и деца, а 60 834 се повредени.
Според проценките на Обединетите нации, 85 отсто од населението на Појасот Газа е внатрешно раселено поради акутен недостиг на храна, чиста вода и лекови, додека 60 проценти од инфраструктурата на палестинската енклава е оштетена или уништена.