Еквадорската полиција објави дека ги уапсила сите вооружени лица и дека целиот персонал и заложниците се живи
Група вооружени и маскирани мажи вчера упаднале во студио на телевизиска станица ТЦ во најголемиот град во Еквадор, Гвајакил, за време на програма во живо и се заканувале на вработените. Пред преносот во живо да биде прекинат, вооружените лица им наредиле на вработените да легнат на подот, пренесува Би-би-си.
Весникот „Универзо“ пишува дека во паника новинари и сниматели испратиле многубројни пораки барајќи помош.
„Тие сакаат да убијат многумина од нас. Помогнете ни“,
е една од пораките што биле испратени.
NEW: Ecuadorean television station is taken hostage by armed thugs during a live broadcast.
— Collin Rugg (@CollinRugg) January 9, 2024
Wild.
The staff was told to lie down on the floor as gun shots could be heard in the background.
The incident comes as gangs continue to take over the streets in Ecuador after President… pic.twitter.com/1ZyDxy4BRO
Националните полициски сили на Еквадор објавија на социјалните мрежи дека специјалните сили биле распоредени на местото за да се справат со оваа вонредна состојба.
The chaos in #Ecuador continues. Shootings and murders everywhere in the cities. pic.twitter.com/lur4mpmXmX
— Jack Straw (@JackStr42679640) January 10, 2024
Потоа, полицијата на мрежата Икс објави дека вработените во телевизијата ТЦ биле евакуирани од студиото.
Еквадорската полиција подоцна објави дека ги уапсила сите вооружени лица и дека целиот персонал и заложниците се живи.
„Пронајдени се најмалку четири огнени оружја, две гранати и експлозивен материјал, а 13 лица се уапсени. Сторителите ќе бидат изведени пред лицето на правдата за нивните терористички акти“,
изјави Сезар Запата, началник на националната полиција.
CAPTURADOS
— Policía Ecuador (@PoliciaEcuador) January 9, 2024
Como resultado de la intervención en @tctelevision #GYE, nuestras unidades policiales hasta el momento logran la aprehensión de varios sujetos e indicios vinculados al ilícito.
Posterior más detalles… pic.twitter.com/tPq7FfaGcM
Откако групата вооружени лица упаднаа во телевизиско студио за време на пренос во живо, претседателот Даниел Нобоа потпиша итен декрет за прогласување внатрешен вооружен конфликт и именување на неколку организирани криминални групи како „терористички организации“ и „недржавни актери“.
Вчера во Еквадор започна 60-дневна вонредна состојба откако од затворската ќелија исчезна најозлогласениот еквадорски криминалец Адолфо Мекиас Виламар, попознат како Фито, осуден водач на моќната банда Лос Чонерос.
Еквадорскиот претседател Даниел Нобоа издаде декрет со кој се потврдува дека Еквадор е во состојба на „внатрешен вооружен конфликт“ и нареди „неутрализација“ на бандите вклучени во трговијата со дрога.
Откако беше прогласена вонредна состојба, беа киднапирани најмалку седум полицајци, а низ Еквадор се случија серија експлозии.