Автопатската делница од Свети Николе кон Миладиновци е затворена за сообраќај поради наноси од снег и подмрзнување на коловозните ленти, информира Центарот за управување со кризи (ЦУК).
Додека во спротивна насока од Миладиновци кон Свети Николе автопатот е прооден но со отежнато движење.
Претходно директорот на „Македонија пат“, Костадин Ацевски на својот фејсбук-профил критикуваше поради слабата сообраќајна култура на дел од учесниците во сообраќајот објавувајќи ја следната фотографија.
„Три шлепери се претекнуваат еден со друг при забрана за сообраќај за тешки товарни возила. Далеку сме од совршени, ама ако не можеме да пристапиме интервенциите се практично невозможни! Апелираме да се почитуваат сите правила, прописи и актуелни забрани за одвивање на сообраќајот во зимски услови!!!“
напиша тој.