Високиот претставник на ЕУ за надворешни работи и безбедносна политика Жозеп Борел порача дека паузата мора да се искористи за да се обезбеди што повеќе помош за цивилите во Газа додавајќи дека ЕУ ќе го направи својот дел во обезбедувањето помош
Европската Унија го поздрави постигнатиот договор помеѓу Израел и Хамас за ослободување на 50 жени и деца кои се држат како заложници од палестинските милитанти во Газа во замена за четиридневен прекин на огнот.
Во објава на социјалните медиуми, високиот претставник на ЕУ за надворешни работи и безбедносна политика Жозеп Борел порача дека хуманитарната пауза мора да се искористи за да се обезбеди што повеќе помош за цивилите во Газа додавајќи дека ЕУ ќе го направи својот дел во обезбедувањето помош.
„ЕУ го поздравува договорот за ослободување на 50 заложници од Газа за продолжена пауза во конфликтот. По 7 недели страдање, конечно, тие ќе бидат повторно соединети со нивните семејства. Повикуваме на итно ослободување на сите заложници“,
пишува Борел во објавата на Икс.
The EU welcomes the agreement to release 50 hostages from Gaza for an extended pause in the conflict.
— Josep Borrell Fontelles (@JosepBorrellF) November 22, 2023
After 7 weeks of suffering, finally, they will be reunited with their families. We call for the immediate release of all hostages.
Шефицата на Европската комисија, Урсула фон дер Лајен, пак, истакна дека ја споделува радоста со семејствата кои наскоро можат повторно да ги прегрнат своите најблиски и порача дека ЕК ќе направи сè за да го искористи привремениот прекин на огнот за испраќање на хуманитарна помош во Газа.
„Побарав од комесарот Јанез Ленарчич да ги зголеми дополнителните пратки во Газа што е можно побрзо за да се ублажи хуманитарната криза во Газа“,
објави Фон дер Лајен и го повика Хамас веднаш да ги ослободи сите заложници и да им дозволи безбедно да се вратат дома.
Привремениот договор меѓу Израел и Хамас носи голема надеж за семејствата на заложниците, порача еврокомесарот за проширување и соседска политика Оливер Вархеји.
This agreement brings great #hope for the hostages’ families.
— Oliver Varhelyi (@OliverVarhelyi) November 22, 2023
All hostages must be released immediately! https://t.co/N3p7yZUWNd
Постигнатиот договор помеѓу Израел и Хамас ќе го означи првото примирје од почетокот на конфликтот во кој израелските бомбардирања срамнија со земја делови од Газа со кои владеат палестинските милитанти.
Паузата во борбите би можела да трае повеќе од четири дена – Израел вели дека на секои 10 ослободени заложници над почетните 50, паузата ќе биде продолжена за еден ден. Се очекува дека 50-те заложници што треба да бидат ослободени ќе бидат оние со израелско државјанство или со двојни државјани, а не странски државјани.