Како што информираат од кабинетот на претседателот, Пендаровски ја истакнал подготвеноста и посветеноста на Северна Македонија, во рамките на своите капацитети, и во иднина активно да придонесува во промовирање на мирот и стабилноста во регионот и пошироко, како и во справувањето со традиционалните и новите закани
Севкупната соработка со НАТО во рамките на нашето полноправно членство во Алијансата и можностите за нејзино унапредување, надворешнополитичките приоритети на земјата и актуелните регионални безбедносни прашања и состојбите во поширокиот регион во контекст на руската агресија врз Украина и случувањата на Блискиот Исток, биле во фокусот на средбата на претседателот Стево Пендаровски со генералниот секретар на НАТО, Јенс Столтенберг.
Како што информираат од кабинетот на претседателот, Пендаровски ја истакнал подготвеноста и посветеноста на Северна Македонија, во рамките на своите капацитети, и во иднина активно да придонесува во промовирање на мирот и стабилноста во регионот и пошироко, како и во справувањето со традиционалните и новите закани.
Во таа насока, претседателот Пендаровски го поздравил одржувањето на состанокот на лидерите на НАТО-сојузниците од регионот утре во Скопје.
Тој, меѓу другото, истакнал дека посетата на генералниот секретар Столтенберг на земјите од Западен Балкан уште еднаш ја демонстрира посветеноста на НАТО кон стабилноста и безбедноста на регионот, во време на крупни безбедносни предизвици во нашето пошироко опкружување.