Одлуката е донесена на седница на Синодот во редовен состав, а тоа по Уставот на МПЦ-ОА е тело составено од тројца владици, како Архиепископот г.г. Стефан и митрополитите г. Петар и г. Тимотеј
Во изјава за „360 Степени“ ја потврди и дебарско-кичевскиот владика Тимотеј, кој воедно е и портпарол на Синодот на МПЦ. Вели дека ваква одлука била донесена одамна, но била подзаборавена. Со оглед дека во Синодот има и помлади владици, сега, пак, ја обновуваат
Оваа одлука на Синодот на МПЦ-ОА доаѓа непосредно по одлуката на државните власти да му забранат влез на рускиот архимандрит Васијан Змеев во Македонија
Синодот на Македонската православна црква-Охридска Архиепископија бара да биде известен кој црковен великодостојник од останатите православни цркви ќе ја посети нашата црква, но и и ги обврзува нашите владици да го известат за своите посети во останатите православни цркви.
Оваа одлука, до која во писмена и електронска форма дојде „360 Степени“ е донесена на Синодска седница на 29 септември годинава.
Одлуката е донесена на седница на Синодот во редовен состав, а тоа по Уставот на МПЦ-ОА е тело составено од тројца владици, како Архиепископот г.г. Стефан и митрополитите г. Петар и г. Тимотеј.
На одлуката е потпишан Архиепископот г.г. Стефан.
Во одлуката пишува дека Синодот на МПЦ-ОА, разгледувајќи го прашањето за посетите на архиереите и свештенослужителите од други помесни православни цркви и посететите на архиереите и свештенослужителите на МПЦ-ОА на други помесни цркви, по опстојна дискусија, одлучил дека за сите посети треба писмено да биде известен Синодот.
„За сите посети од архиереи на други помесни православни цркви и посети на археиери на МПЦ-ОА на други помесни православни цркви, писмено да биде известен Светиот архиерејски синод на МПЦ- ОА. За секоја благословена посета архиерејот да поднесе писмен извештај до САС на МПЦ-ОА“,
стои во одлуката на Синодот.
Оваа одлука на Синодот, во изјава за „360 Степени“ ја потврди и дебарско-кичевскиот владика Тимотеј, кој воедно е и портпарол на Синодот на МПЦ.
„Ваква одлуката постоеше одамна. Но, беше подзаборавена. Ова сега е само едно потсетување. Сепак, имаме и помлади владици во Синодот, па треба да се потсетат. Секако дека Синодот треба да биде известен за сите посети на еден владика, како и кој му доаѓа на гости. Не може секој да прави како што мисли и сака“,
кусо одговори тој.
Инаку, како што може да се види од документот, во одлуката не е прецизирано дали Синодот само треба да биде известен за посетите, или пак ќе одлучува кој владика или свештеник на друга црква може да дојде во Македонија, а кој владика или свештеник на МПЦ-ОА може да оди да сослужува и со која друга помесна православна црква.
Сепак, во одлуката пишува дека „за секоја благословена посета архиерејот да поднесе писмен извештај до САС на МПЦ-ОА“. Според црковниот речник, зборот благослов, значи изразување на согласност или одобрување.
Тоа укажува на тоа дека Синодот на МПЦ-ОА, во конкретниот случај редовниот состав од тројца владици, ќе одлучува кој доаѓа на сослужување со МПЦ-ОА, и тоа кој од МПЦ-ОА, каде ќе оди на сослужување.
Дополнително за одбележување е дека Синодот бара и ги задолжува владиците да изготвуваат извештаи за секоја посета и истите да ги доставуваат до Синодот, нешто што според познавачите на црковните состојби не е практика во ниту една црква, а досега не било ниту во МПЦ-ОА.
Оваа одлука на Синодот на МПЦ-ОА доаѓа непосредно по одлуката на државните власти да му забранат влез на рускиот архимандрит Васијан Змеев во Македонија.
Тој покрај покрај тројцата руски дипломати забрана за влез во земјава некаде кон средината на месец септември.
Змеев, како што пишува посталот „Религија.мк“ е руски црковен претставник на Московската патријаршија, кој изминатава година имал интензивни посети на земјава и зачестени средби високи претставници на Македонската православна црква – Окридска архиепископија (МПЦ-ОА).
Тој, како што пренесува порталот, ја имал улогата на координатор на руските црковни политики на Балканот, со оосбено влијание во Бугарија и во С Македонија. Дали оваа одлука на Синодот на МПЦ-ОА е поврзана со овој случај или, пак, е реакција на овој случај, засега нема информации од црквата.