Кога полицаецот му укажал дека мора да има зелен картон, тој почнал да се однесува агресивно, а потоа му понудил поткуп од 20 евра
Грчки државјанин е приведен на граничниот премин „Богородица“ поради нудење поткуп, соопшти МВР.
Денеска попладне околу 17:45 часот, грчкиот државјанин се обидел да влезе во земјава со автомобил „пежо 206“ со германски таблички, но не поседувал зелен картон. За да помине на граница, тој му понудил на полицаецот 20 евра.
„Кога од страна на полициски службеник му било укажано дека мора да извади зелен картон, тој почнал агресивно да се однесува, а потоа му понудил поткуп од 20 евра на полицискиот службеник“,
велат од МВР.
По ова, Гркот веднаш бил приведен, а од полицијата велат дека ќе поднесат и кривична пријава за нудење поткуп до Основното јавно обвинителство Гевгелија.