Во Скопје, пак, во текот на вчерашниот ден полицијата напишала 171 казна од кои 89 за брзо возење
Во текот на изминатата ноќ во период од шест часа само на територијата на СВР Битола биле фатени 51 пијан возач, соопшти МВР.
Акцијата била спроведена во периодот од 22 до 4 часот, а најголем дел од возачите под дејство на алкохол на територијата на СВР Битола биле откриени во Прилеп – 26.
Во Битола биле фатени 10, во Македонски Брод пет, во Ресен четири и во Крушево и Демир Хисар по тројца.
„За време на контролата биле санкционирани и 49 други видови прекршоци. Акциски контроли продолжуваат и во наредните денови. Апелираме до граѓаните да ги почитуваат сообраќајните правила“,
велат од МВР.
Во Скопје, пак, во текот на вчерашниот ден полицијата напишала 171 казна. Најмногу – 89 за брзо возење. 11 казни имало и за пијани возачи, по седум за возење без возачка и за минување на црвено, три за користење мобилен итн.