Главниот портпарол за надворешна и безбедносна политика на Европската комисија, Петер Стано, потврди дека ЕУ решила да спроведе низа мерки кон Косово зашто владата во Приштина не ги презела потребните чекори за деескалација на ситуацијата. Стано за Танјуг изјави дека привремено е прекината работата на телата за спроведување на Спогодбата за стабилизација и асоцијација, дека е решено Косово да не биде покането на настани на високо ниво и дека сите посети ќе бидат суспендирани, со исклучок на оние што имаат за цел решавање на кризата на северот на Косово во рамките на дијалогот поддржан од ЕУ.
„Во мирување е и програмирањето на средствата за Косово во рамките на
рече Стано.ИПА 2024. Предлозите презентирани од Косово во рамките на инвестициската рамка за Западен Балкан (ВБИФ) не беа доставени на разгледување од Одборот на ВБИФ на 29-30 јуни“.
Стано додаде дека властите во Приштина биле известени за овие мерки уште минатата среда. Според него, овие мерки се привремени и може да се укинат во зависност од развојот на ситуацијата на терен и чекорите за деескалација на ситуацијата. Според Стано, ЕУ исто така внимателно следи дали Србија ги исполнува барања на ЕУ.
Според Стано, високиот претставник на ЕУ за надворешна и безбедносна политика Жосеп Борел бил многу јасен кога, во име на членките на ЕУ, кажал што се очекува во наредниот период.
„Очекуваме Косово да дејствува во насока на намалување на тензиите и веднаш да ги прекине полициските операции во близина на општинските згради на северот на Косово. Градоначалниците на општините мора привремено да ги извршуваат своите должности во други објекти, а не во општински згради. Во сите четири општини да се распишат предвремени избори и да се организираат на целосно инклузивен начин“,
вели Стано.