Богоев доаѓа на директорската функција на местото на Славица Кутиров која денеска поднесе оставка, како што информира, од лични причини
Владата на денешната седница го именувала потпретседателот на СДСМ и поранешен градоначалник на Карпош, Стефан Богоев, за нов директор на Царинската управа. Информацијата во изјава за „360 степени“ ја потврди Богоев.
Богоев доаѓа на директорската функција на местото на Славица Кутиров која денеска, по две години поднесе оставка, како што информира, од лични причини.
„На денешната седница Владата на Република Северна Македонија ја прифати мојата оставка од функцијата директор на Царинската управа, поднесена од лични причини, а со цел понатамошен развој на мојата професионална кариера на меѓународен план. Сакам да се заблагодарам на Владата и на премиерот Димитар Ковачевски за безрезервната поддршка во изминатите две години, што придонесе Царинската управа да прерасне во една од водечките професионални и технолошки напредни институции во државата. На новиот директор му го честитам назначувањето на функцијата и му посакувам успешна работа и уште подобри резултати“,
се вели во соопштението потпишано од Кутиров.
Богоев беше градоначалник на Општина Карпош од 2017 до 2021 година.