Речиси две третини од македонските граѓани се изјасниле дека позитивно гледаат на иницијативата „Отворен Балкан“ во која членуваат С Македонија, Албанија и Србија, покажува истражувањето на Институтот за политички истражувања – Скопје, направена за емисијата „Детектор“ на ТВ Сител
На прашањето, пак, со која земја Македонија има најдобри односи, убедливо мнозинство од граѓаните одговориле Србија – дури 56,5%
63,3% од анкетираните граѓани одговориле дека иницијативата „Отворен Балкан“ е позитивна работа, додека, пак, 15,9% одговориле дека тоа е негативна. Споредбено со анкетата на истиот институт спроведена во 2020 г. се гледа дека довербата за оваа иницијатива расте, односно во 2020 г. позитивен одговор за тоа колку е добра иницијативата дале 42,4% од граѓаните, сега се гледа забележителен скок.
И етничките Македонци и етничките Албанци имаат речиси идентични ставови за иницијативата, односно 62% Македонци и 67% етнички Албанци позитивно гледаат на „Отворен Балкан“.
На прашањето, пак, со која земја Македонија има најдобри односи, убедливо мнозинство од граѓаните одговориле Србија – дури 56,5%. На второто место е Албанија со 11,3%, па следуваат Турција со 3,3%, Косово со сличен процент, па Хрватска со 2,6%, Словенија со 1,2%, Грција со 1,1%, а најмал број граѓани или 0,9% кажале дека тоа е Бугарија.
72% од етничките Македонци сметаат дека Србија ни е најголем пријател, додека 39,8% од етничките Албанци одговориле Албанија. Според регион, најголемиот број граѓани кои сметаат дека земјава има најдобри односи со Србија се од североисточниот регион, додека најмал број од Полошкиот Регион.