Го шетав синот кој спиеше во количка, поминував во близина на местото каде полетуваат хеликоптерите и само го слушнав тој силен звук, сведочи случаен минувач
Четири лица загинаа во судир помеѓу два хеликоптери во близина на Златниот брег („Голден коуст“) во Квисленд, Австралија.
Девет патници, пак, се повредени од кои тројца се во критична состојба.
Австралиското биро за безбедност на транспортот веднаш се огласи најавувајќи дека отвора истрага.
Судирот се случил околу 14 часот по локално време, а првичните информации од полицијата во Квисленд се дека до него дошло додека еден од хеликоптерите слетувал, а друг полетувал.
#BREAKING Two helicopters collide in Southport, Australia.
— CaliforniaNewsWatch (@CANews_Watch) January 2, 2023
3 believed to be dead, with 2 others injured as two helicopters collide near SeaWorld on the Gold Coast. Serious accident, see following tweets for updates.#Southport – #Australia@rawsalerts @IntelPointAlert pic.twitter.com/5Kjd2h33kc
Од полицијата им се заблагодариле и на минувачите кои по фаталниот судир дошле на самото место за да помогнат, а дел од нив сведочат дека слушнале како одекнал силен звук при судирот.
„Го шетав синот кој спиеше во количка, поминував во близина на местото каде полетуваат хеликоптерите и само го слушнав тој силен звук. Не знаев што е“,
раскажува еден од сведоците.
На самото место сè уште се наоѓаат екипи на брза помош, како и на полицијата и останатите истражни органи.
Ambulance after ambulance rushing the the scene of what I’m told is a chopper crash near SeaWorld. I’ve been told one chopper is in the water pic.twitter.com/FU93kVjvSH
— Luke Bradnam (@LukeBradnam) January 2, 2023