Истовремено во неделата научниот директор на рускиот Хидрометеоролошкиот центар, Роман Вилфанд, изјави за медиумите дека во неделата вечерта во главниот град Москва температурата изнесувала 4,3 степени, што по 50 години е нов топлотен рекорд за првиот ден од новата година
Рекордни температури беа измерени на северната страна на Алпите во Швајцарија и Лихтенштајн на првиот ден од 2023 година. Во малиот северен швајцарски град Делемон и главниот град на Лихтенштајн, Вадуц, денеска се измерени над 20 степени Целзиусови, објави Метеоњуз.
Претходниот рекорд во јануари беше измерен на 12 јануари 1993 година во Луцерн, кога беше 19,4 Целзиусови степени. Во Делемон во неделата беше 20,9 степени. Вкупно 36 мерни станици измериле локални максимални температури на Нова година.
Истовремено во неделата научниот директор на рускиот Хидрометеоролошкиот центар, Роман Вилфанд, изјави за медиумите дека во неделата вечерта во главниот град Москва температурата изнесувала 4,3 степени, што по 50 години е нов топлотен рекорд за првиот ден од новата година.
Претходниот рекорд бил забележан на 1 јануари 1973 година, кога во Москва вечерта биле измерени 4,2 Целзиусови степени.
Истовремено се известува и дека во неделата во Санкт Петербург била измерена највисоката температура на 1 јануари во историјата на бележењето на метеоролошките набљудувања. Во таканаречената северна руска престолнина во неделата вечерта во 17 часот по локално време се измерени 4,8 Целзиусови степени.
Во Санкт Петербург, всушност денеска се регистрирани два рекорда, односно изминатата била и најтоплата новогодишна ноќ со плус 3,4 Целзиусови степени, а претходниот максимум на преминот од една во друга година бил забележан на 1 јануари 1937 година од 2,9 степени.