Зеленски пристигна во САД за да се сретне со претседателот Џо Бајден и да се обрати до Конгресот. Ова е негово прво патување надвор од Украина по инвазијата на Русија во февруари
Официјален претставник на Белата куќа потврди дека украинскиот претседател Володимир Зеленски слетал во САД.
Зеленски пристигна во САД за да се сретне со претседателот Џо Бајден и да се обрати до Конгресот. Ова е негово прво патување надвор од Украина по инвазијата на Русија во февруари.
Планирањето за посетата на Зеленски беше во тајност поради безбедносни грижи додека американските власти не го потврдија патувањето. Зеленски утринава твитна дека доаѓа да ја „зајакне отпорноста и одбранбените способности на Украина“.
Бајден ќе го пречека Зеленски во Белата куќа, а двајцата ќе одржат заедничка прес-конференција. Зеленски потоа ќе се обрати на заедничкиот состанок на Конгресот, се соопштува од кабинетот на Ненси Пелоси.
Посетата на Зеленски доаѓа кога Русија ги засили нападите против критичната украинска инфраструктура со почетокот на зимата, при што руските сили минатата недела започнаа еден од најголемите напади врз главниот град Киев од почетокот на војната.