Според полициските извештаи, девојките нападнале и изболе маж на плоштадот во близина на главната железничка станица во неделата рано наутро. Три девојки се на 13, три на 14 и две на 16 години, јавуваат канадските медиуми
Осум тинејџерки се обвинети за смртта на 59-годишен маж во центарот на Торонто. Полицијата соопшти дека верува дека девојките се запознале на социјалните мрежи и го испланирале убиството.
Според полициските извештаи, девојките нападнале и изболе маж на плоштадот во близина на главната железничка станица во неделата рано наутро. Три девојки се на 13, три на 14 и две на 16 години, јавуваат канадските медиуми.
Полицијата не го кажа името на жртвата, но на прес-конференција соопшти дека мажот неодамна се преселил во градскиот систем за засолништа за бездомници.
Полицијата соопшти дека девојките по расправија ја нападнале и изболе жртвата. Мажот бил итно пренесен во болница со тешки повреди, но набргу починал. По разговорот со сведоците, полицајците ги уапсиле девојките во близина на местото на злосторството, каде што пронашле и оружје.
Браун рече дека инспекторите веруваат дека девојките се запознале на социјалните мрежи и живеат во различни делови на градот, но сè уште е нејасно зошто се собрале таа вечер.
„Во овој момент не би ги опишал како банда, но она што наводно се случило таа ноќ би било во согласност со она што ние традиционално го нарекуваме ‘роење’“,
рече Браун.
Тој додаде дека тоа обично подразбира намерен избор на жртвата. Три тинејџерки од осомничените и биле и претходно познати на полицијата, додека престанатите пет немале претходни контакти со полицијата.