Во таа насока, СОНК на својот фејсбук-профил попладнево објави дека зголемувањето на платите на вработените во градинките за 15 проценти од септември не е спорно, покрај другите придобивки кои се вградени во нацрт-текстот за новиот Колективен договор
Се усогласуваат различните ставови помеѓу Самостојниот синдикат за образование, наука и култура (СОНК) и Министерството за труд и социјална политика (МТСП) во врска со текстот на новиот Колективен договор за вработените во градинките.
Во таа насока, СОНК на својот фејсбук-профил попладнево објави дека зголемувањето на платите на вработените во градинките за 15 проценти од септември не е спорно, покрај другите придобивки кои се вградени во нацрт-текстот за новиот Колективен договор.
По усогласувањето на нацрт-текстот, како што информира СОНК, тој ќе биде предмет на јавна расправа пред членовите на Синдикатот.
Вчера, СОНК и Министерството за образование и наука (МОН) потпишаа Спогодба за повисоки плати во основното и средното образование за 15 отсто од септемвриската плата.
Во Спогодбата, потпишана од лидерот на СОНК Неделков и министерот Шаќири, стои дека најниската плата за најниската сложеност за вработените во основните училишта изнесува 16 973 денари и дека ќе се применува со исплата за септември 2022 и понатаму.